2015 jylǵy 22 mamyr, Astana qalasy
О́ndiristik baqylaý bólimsheleriniń veterınarııalyq dárigerlerine qoıylatyn talaptardy bekitý týraly
«Veterınarııa týraly» 2002 jylǵy 10 shildedegi Qazaqstan Respýblıkasy Zańynyń 1-babynyń 39-2) tarmaqshasyna sáıkes buıyramyn:
1. Qosa berilip otyrǵan óndiristik baqylaý bólimsheleriniń veterınarııalyq dárigerlerine qoıylatyn talaptar bekitilsin.
2. Qazaqstan Respýblıkasy Aýyl sharýashylyǵy mınıstrligi Veterınarııa jáne tamaq qaýipsizdigi departamenti zańnamada belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Aýyl sharýashylyǵy vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Aýyl sharýashylyǵy mınıstri A.MAMYTBEKOV
«KELISILGEN»
Qazaqstan Respýblıkasynyń Ulttyq ekonomıka mınıstri ______________ E.Dosaev
18 maýsym 2015 jyl
Qazaqstan Respýblıkasy Aýyl sharýashylyǵy mınıstriniń
2015 jylǵy 22 mamyrdaǵy №7-1/467 buıryǵymen bekitilgen
О́ndiristik baqylaý bólimsheleriniń veterınarııalyq dárigerlerine
qoıylatyn talaptar
1. Jalpy erejeler
1. Osy óndiristik baqylaý bólimsheleriniń veterınarııalyq dárigerlerine qoıylatyn talaptar (budan ári – talaptar) «Veterınarııa týraly» 2002 jylǵy 10 shildedegi Qazaqstan Respýblıkasy Zańynyń 1-babynyń 39-2) tarmaqshasyna sáıkes ázirlendi jáne óndiristik baqylaý bólimsheleriniń veterınarııalyq dárigerlerine qoıylatyn talaptardy aıqyndaıdy.
2. Osy talaptarda mynadaı uǵym paıdalanylady:
óndiristik baqylaý bólimsheleri – janýarlardy soıýdy, janýarlardan alynatyn ónimder men shıkizatty qaıta óńdeýdi jáne ótkizýdi júzege asyratyn óndiris obektileriniń ákimshilikteri qurǵan janýarlardyń, janýarlardan alynatyn ónimder men shıkizattyń veterınarııalyq normatıvterge sáıkestigin aıqyndaý jónindegi bólimsheler.
2. О́ndiristik baqylaý bólimsheleriniń veterınarııalyq dárigerlerine qoıylatyn talaptar
3. Janýarlardy soıýdy, janýarlardan alynatyn ónimder men shıkizatty qaıta óńdeýdi jáne ótkizýdi júzege asyratyn obektilerdiń óndiristik baqylaý bólimsheleriniń veterınarııalyq dárigerlerine mynadaı talaptar qoıylady:
1) veterınarııa mamandyqtary boıynsha joǵary nemese orta bilimnen keıingi nemese tehnıkalyq jáne kásiptik bilim;
2) janýarlardy soıýdy, janýarlardan alynatyn ónimder men shıkizatty qaıta óńdeýdi jáne ótkizýdi júzege asyratyn óndiris sýbektisimen eńbek qatynasy;
3) Qazaqstan Respýblıkasynyń veterınarııa jáne tamaq ónimderiniń qaýipsizdigi salasyndaǵy zańnamasyn bilý.
Buıryq Qazaqstan Respýblıkasynyń Ádilet mınıstrliginde 2015 jylǵy 20 shildede Normatıvtik quqyqtyq kesimderdi memlekettik tirkeýdiń tizilimine №11701 bolyp engizildi.